Lav tsaq-e

Sanq bovq nya-e aq kaq aq da deq-or.
Sanq myav nya-e aq kaq aq yeevq deq-or.

Dawq tmr dawq myaq gar zoq gar manr m jeir.
Dawq ma smq khanr bovq ma smr jawq m jeir.

Khar tsaq maq tsaq aq dee ja sawr ghaq ngae.
Toeq sawr dav sawr aq dee sawr tsaq ghq ngae.

Yawq ha nee noeq taevq-aer aq dee maq mr.
Yawq ha nee khanr taevq-aer aq dee maq gevq.

Iq biq iq maer tiq gar lav dzoer jir-awr.
Aq dee maer nmr tiq gar lav eeq jir ngae.

Sanq bovq sanq myav tiq gar lav dur jir-awr .
Kawq xe teir sar tiq gar lav tsaq jir nar.

Geeq lanq kev-awr nee sar za lar-e mir-a.
Aq kaq tsir kaq tiq gar gm lar jir nga.

Bovq-e ghaq - - - Saqlaq Artseir