Maer nmr

Hawq bivq meeq gar da ma taq kur.
Xaq bivq meeq gar paq zawr taq gevq.
Xavq dawr myav pywq ghoeq lawv yawv lar-a.
Aq kaq zaq-or maer nmr deq-or.

Sur zaq jaq mir zanr law taq xar.
Na zaq tiq zanr khovq law taq pavq.
Laq pyevq pir ser pyevq-ir aq nmr .
Aq kaq zaq-or maer nmr deq-or.

Maq mr ya dzaq aq da maq jawr.
Maq khawvq ya dawr sur meeq maq daevq.
Mr xaq aq da dzaq ngae yaw sar-a.
Aq kaq zaq-or maer nmr deq-or.

Zaq siq tsawr ganr maq dzaw taq byaer.
Aq cawq sur teir maq nar taq daevq.
Yawq ir tiq kawv yawq bovq tsov-ir.
Aq kaq zaq-or maer nmr deq-or.

Bovq-e ghaq - - - Saqlaq Artseir