Ghovq leir ma
Tsawr tanr aq yar jawr-e Aq kaq zaq deq
Siq zaq ganr yo jawr-e aq dee maer nmr .
Sanq bovq aq ma tiq gar maq dur nya laer
Sanq myav aq ma tiq gar maq tavq nya laer .
Nya zaq aqda tiq gar kur bymr jir-awr
Siq-e aq da tiq gar kur eeq taq-awr .
Maq bawq doe-eq gar kawv maq bi jav ni
Maq ja doe-e gar dzaq maq bi jav ni .
Khar noeq taq-e lovq-aer bawq mr jir-awr
Khar dur taq-eq lovq-aer bawq tsaq jir ngae.
Ghovq leir caw caw lovq-aer ghovq leir ma
Gar jawq caw caw lovq-aer ghovq leir ma .
Aq da kovq dawq zanr dzoeq aq da anr-awr
Aq kaq jawr bavr aq da tiq mavq gm-aer .
Ghovq leir u u aer manr-awr ghovq leir ma
Dziq manq u u aer yevq-awr ghovq leir ma .
( Khanqgm aqkaq sanqbovq bavq dzan-anr taq heeq ma )
Mqmaq lanq nan bae , mirmaq xaer nan bae-eq mae .
Maeqbawq bavq dzan dzan-eq maer sair meq .
8 – 9 08 . 2008 khovq
Bovq-e ghaq - - - Saqlaq Artseir(Ghoeq Lanq Guq)
Posts
