2. Aqjaeq xawqlawq urlar maqbaw.

    Sanqmanr uqdu gurghaq khav-e.

    ( Tiqjeiq maqjav maqsanr gar nae, dawq yawheeq ngaeq-e.)

3. Aqcawq boer mi surdawq taqnar, zawvqsar byavlar-a.

    Zavqmanr dzargav taqghov, dovqxaeq myaq-a.

    ( Aqcawq aer-e dawq-anr maqxar noeqni jan nar, xaqlar zanqlar nya mae.)

4. Aqcmq dawqpae ir nar noerbir.

    Arghawr dawqpae ir nar lavqzeq.

    ( Aqcawq-e dawqmaq bavnya nar, lavqdzawr yadzawr naeq mae.)

5. Aqiq lovq-aer tiqgho dov.

    Arho lovq-aer tiqlanr lovq.

    ( Maeqbawq gm gm-aer mr-awq.)

6. Aqlmq yawzaq uqsir yawtav.

    Mawrdo yawlaer khaeq banq yawbaq.

    ( Yawzaq yawnyir deqkhawvq, yawqha yawqjeiq mr nya mae.)

7. Arlawr aqkeer maqtsovq arbawr davnya.

    Arka uqduq maqtsovq gar ma nyiqpaw can nya.

    ( Jawqghaer doerkhawvq, yawmeeq yawjaq jeiq mr nya mae.)

8. Aqdzawq turlar diqtm xe. 

    Argan turlar miqkawq bavq.

    ( Zaqsiq neeganr yawteiq deq-aq, yawdoer jeiq mrdov lavq nya dzaeq mae.)

9. Aqpiq yavgawr taqdawr.
    Aqbawr peeqtsanq taqxavq.
    ( Yawqha-anr maqgevr-e gardeq mr-e maqtsaq a.)

10. Aqkaq aqma arboer pyevqngae,
      Cmqdawq leevngae boerdawq maqleev.
      ( Janrghae nya-e deq-aq, xaqlar duq jav mae.)

11. Aqyeevq mir xar, aqnyir mirdzaq.
      Aqyeevq manqganq tsov nar, aqnyir manqni lanr.
      ( Mr maeq xar maeq-e deq maeqnan, nanqzaq deq yacaw tae mae.)

12. Aryamq lavqnae taeyur maqmir,
      nanr ma lavqnae taenyaevq maqza.
      ( Aryamq jav ngae maqmr nar, yawxaq mae.)