Meq laq mir coer paw-eq Aqkaq zaq deq

Aqkaq zaq deq-e daevq ka leivq-e gar haw khovq ngae jawr-aq, sanq bovq maq dur-e baq da nae Zanr kawvq tseir pav, Ar mavq khawvq tseir pav tseir pav-aer daevq ka leivq-e mir nae Aqkaq zaq-e dawq khawvq byov lei luvq, daevq jeq khawv byov lei luvq, tiq gar tiq khanq anr jawr-awr Aqkaq zaq pyevq gar nae sanq bovq maq bovq tavq nya, maeq bawq maq mr nya ni xaq luvq mae. Te baq da nae, mir khanq oevq khanq anr jawr-e Aqkaq zaq deq gm leir-awr "khanq gm sanq bovq" janr dov lavq-e mae. Yawq ghaq nav luvq laq khaq caer tav ni ha gevq jir-awr ti kawv lovq-aer zmq dav leivq ma laer noeq tsaq jir-eq mir nae, tsawr jeq e sanq bov deq, dawq deq khawvq maq par byov ir mae. Tiq ghaq tiq khanq anr jawr khawv sanq bovq nae xa tav nya lar-eq mae.