Tsawrganr bivq-e dawqdeq (3)
1. Ngaq-e mirkhanq-aq, mirtsaq tanqkhawr pyevq-awr, ngaq-e zanr-aq,yawmeeq mr-e jeiq pyevq mae.
2. Yawqha mr mawvq-e jeiq hawr-e, mr luvq-e jeiq maqdur leir nar,
laqkhaq caer-e jeiq maqbyan-a.
3. Yawmeeq yawjaq jeiq mr-e aq, aqmyan luvq jeiqnanq ga ir-eq maqbaw-a.
4. Yawqha nae caw ba naeq-e jeiq-anr, maqbi siq ni cawba-e jeiq taevq-aer,
aqdir mar mar ni cawba-e deq mae.
5. Nawr aqjov-aer ghae-e tsawrhaq lei laer narhaq ngae, ngar he lovq-aer
ghae-e tsawrhaq ma laer yawqhar yawqha aer-e deq-aq,
maqbyan maqkuvq-a.
6. Baoq heeq-e jeiq-aq, khanqsaer jaev-e jeiq maq nger-a. Noeqtsov, noeqdu
taq-e jeiq-anr mrbyan-awr, mrdanq bae nya-e lovq-aer, mrsaq saqnya-awr,
mr leevq luvq ngae sarjavr zivq-e deq pyevq-e mae.
7. Baoq anr nar, baoq-e garkawv siqnya mae. Aqbur tiqghaq yapyevq-e
khawvq, daevqjeiq daevqkawv meeq-awr, sarjavr zivq nar baoq anr-e mae.
8. Aqcawq-e garkawv siqnya-e jeiq-aq, tsawrganr pyevq-awr, yawqhar
yawqha siqnya-e deq-a, mar mar ni zaqsiq tsawrganr pyevq-e mae.
9. Aqcawq-anr uvlanr-e deq-aq, ghaqkhav-e jeiq pyevq-awr, yawqhar
yawqha uvlanr-e deq-aq, mar mar ni baoq heeq-e jeiq pyevq mae.
10. Caer yaeq taq-eq gar-anr haw-awr yawdoer nga laer taqdar tsaev.
Siqyoeq saeqngae-anr parxar noeq khovq haw yawq.
11. Yawmeeq jeiq mrbyan taq-e jeiq-aq, pyurpanq panq taq-awr,
pyurpar par nae taqgar dur-e mae.
12. Pyurzmq ceevnar sur meeq meeq lar-e mae. Khanqsaer maqjaev nar,
baoq anr dzaeq lar-e mae.
13. Tsawrhaq nyiqjeiq jawr mae. Ciqcur ni jawr-awr mr myawq mrdee dee-e
deq hawr-e, khanqsaer jaev jaev-aer mr myawq mr-e deq mae. Ciqcur ni
mr myawq mrdee dee-e deq-aq, iqdaeq iqcae maqdov-a. Khanqsaer jaev
jaev-aer mr-e deq-aq, iqdaeq iqcae dov mae.
14. Baoqheeq ngae aqcawq-anr khaeqdzaq khavdzaq law nar, baoq-anr byaer
dzae-eq khawvq, maqmeeq maqxawr lar nya-a.
15. Pyur maerbyav (15) byav xarpar ir-eq tsoeqkhov ir ngae, yawsanr ghaq
aer-e, nawq-anr aqcawq xar par lar ngae pyur maerbyav (15) byav bivq
naeq nar, ngaq-anr bivq khovq naeq gar dur ma.
Posts
