Tsawrganr bivq-e dawqdeq (1)
1. Nawr tsawrganr anr-awr bym-e byaev-e nav maqtseir,nawr poeqsawr lawq baw-e tiqghaq pyevqnya ni lae jae yawq.
2. Nawr neertaq-awr, jawr nae-aq, tiqjeiq-iq maqpyevq dovlar-a.
Nawr aryamq maqdzer mir nav-aer tsawqtur-awr mr yawq.
3. Nawr mr-e mr myawq maqmeeq gar, geeqlanq taevq-aer maqmeeq-a.
4. Tsawrganr teiq-e deq-aq, dawq ja myaq-awr, myawq maq mr nanr-a.
5. Tsawrganr anr-e deq-aq, dawq arceev taevq-aer ja-awr,
myawq yawkhar-aer mr-e mae.
6. Ircuvq tsawq toeq-aer yoerka luvq khawvq, tsawrhaq zaqdeq
tsawqdav paw-aer yalei-e mae.
7. Ngaqxaq yawdaevq deq-aq, gawvmaer paw-aer dav leir nya-awr,
ngaqxaq yawxir deq-aq, gawvbi paw-aer bu ka-e mae.
8. Yawqha-e yawlaeq-anr, yawkawr ma-aer lavsav nya-e tsawrhaq deq-aq,
tsawrganr anr-e tsawrhaq pyevq-e mae.
9. Noeqtsov taq-e tiqjeiq-iq maqjav-e tsawrhaq deq-aq,
buka luvq-e ngaqxaq yawxir-anr dur-e mae.
10. Navqngae nae maqlaeqhmq taq-eq tsawrhaq deq-aq, beerkaq maq anr ni
mqtsar khav gar irluvq-e tsawrhaq-anr dur mae.
11. Nawr aqjeiq mr-e maqkaq, mr mawvq-e nav maqtseir, mr paq-aer
ghae-e jeiq-anr tseirpav-awr, mr nar meeq dzaeq mae.
12. Nawr iqnan mrjir nya-e jeiq, nixawq nan-anr taqbi kevleir.
13. Nawr pyurxeer irxaq xaq-e khawvq, neenoeq bawqtov irxaq taqxaq.
14. Nawr pyurxeer-anr, Laqbeeqzaq lovq-aer pov-awr,
Gaqlaqzaq lovq-aer laveeq taqyawq.
Posts
