Aq kaq zanr oer

Huq law aq kaq sanq bovq sanq myav maq dzaw leivq-aer.
Aq kaq zanr oer sanq bovq par dmq maq yur dzmq ngae.

Yawq ha tiq ghoer aq myan maq xaq ma laer noeq-awr.
Nee noeq bawq tov tsawr ganr nee ma lavq khoer cir ngae.

Zaq oeq heeq lei zanr dzanr maq leev pyevq lar jir-awr.
Aq kaq zanr oer tawq leev zaq oeq maq jawr pyevq lar.

Zaq oeq heeq lei zanr teir byeir lei aq laer mir-a.
Zaq yar myaq lei zanr xeevq tsaeq lei aq laer mir-a.

Aq kaq zanr ceevq maq leev tsawr jawr myaq lar jir-awr.
Aq kaq zanr oer maq leev zaq oeq myaq lar jir ngae.

Paq tavq tseevq yaer caw-e maq siq leivq-aer pyevq lar.
Tsawr paq tsawr ca caw-e xaq lar aq laer mir-a.

Aq kaq tiq zanr poeq ma ghoeq poeq lawr-awr jawr ngae.
Nan meeq tseir-awr lan daw tseir nan tawq-awr jawr ngae.

Zaq oeq khaeq-anr yawq jawr zaer-awr jawr-eq law ma.
Aq kaq tiq zanr jaq laq yaev-anr dur-eq law ma.

Bovq-e ghaq - - - Saqlaq Artseir