Tsaq-e ghaq

Sanq bovq maeq nya tsov nya ghaq.
Aq li aq bur-e saq laq.

Nee noeq nee ma meeq-e ghaq.
Aq yeevq aq tsu gevq-e ghaq.

Nee gaq nee ghoer anr-e ghaq.
Mir khanq aq da pyevq-e tsaq.

Ngaeq ghae caw ba nya-e ghaq.
Sur meeq aq da pyevq-e tsaq.

Dawq meeq ngaeq nya aer nya ghaq .
Jeiq hu maw maeq maeq-e tsaq.

Xar noeq xar sawr nya-e ghaq.
Sanq paq sanq ma gevq-e tsaq.

Nee ma nee khaq tsovq-e ghaq.
Geer huq aq da gevq-e tsaq.

Nee noeq bawq tov sanr-e ghaq.
Mir khanq zaq deq gaq-e tsaq.

Bovq-e ghaq - - - Saqlaq Artseir