Huq law aq kaq sanq bovq-aq,
Aq nyoq bav khov bovq-e nga.

Khanq meeq lawq dae maq sar lar,
Tiq ghaq tiq paw ya caev nga,

Pi nae maq ghaq coer-aer lar,
Bavq nae maq ghmr coer-aer lar.

Sanq bovq nee ma bi anr ma,
Tsawr ganr nee ma noeq taq ma.

Maevq lar nya laer peev dzaq-awr,
Xaq lar nya laer pi dzae-awr.

Aq kaq sanq bovq khoer gar byov,
Aq kaq tsawr ganr khoer gar saq.

Iq nan aq kaq gm leir-awr,
Aq dee maer nmr lav eeq-awr.

Aq kaq sanq bovq janr dov ma,
Aq kaq ga dzanr pov khovq ma.

Bovq-e ghaq - - - Saqlaq Artseir