Yamq smr yamq

Jawr la ba la oeq siq la-e nga,
Oer la, boeq zovq, khmq xeevq, tsaq ngawq nga,
Zaq miq zaq yo heeq lei zanr xar dzanr,
Yar myaq yar tur tur-awr sanq lanq ka.
Zaq nyiq tsawr jeq caer-e aq la nga.

Yaer ghanr ba la oeq siq anr-e nga,
Ghanr la, tseir la, cawq la, zaw la nga,
Mq tav aq yaer xaev laev banq jaq xaeq,
Bawr tsanq sanq lanq tsawq dav lovq-aer lar,
Zaq nyiq tsawr jawr mr dzaq ar tseevq nga.

Tsanq gav ba la oeq siq gav-e nga,
Siq yaev, Nanq yaev, tanr la,ghaeq la nga,
Miq yaq mr-e mr kar kev lei -awr.
Yo ha xar-e jeq ghaq kev lei-awr,
Zaq nyiq tsawr jawr lur gha ar yamq nga.

Bovq-e ghaq - - - Saqlaq Artseir