Miq khaq zaq khaq

Nawr pyawq maq mawr, smq la khawv ngae,
Nawr teir maq gaq, smr yavq khawvq ngae.

Tsar tsovq be be lar ngae, miq nmq nawr teir yaw nya,
Laer baw sev laer lar ngae, miq nmq nawr savq yaw nya.

Gawq jawq uq du dar dzm mr ngae, maq mawr mir-a,
Sanq manr uq du dar yawvq mr ngae, maq mawr mir-a.

Nawr pyawq or laer, beer zir ya yaw mir-a,
Nawr teir or laer, yar khovq ya noeq mir-a.

Tiq nan yar ir hawq gav, byawr jaq yaw-e maq nger,
Nawr ghaq or laer yaw nya, nawr tsawr or laer yaw nya.

Maq tmr leir ba baw ngae,
Maq noeq leir ba maq baw mir-a.

Nyiq ghaq mawvq-e aq tsawr dov ngae,
Nyiq mawr civq-e manr nyoq dov ngae.

Nyiq ghaq aq lavq manr lei, lavq par mr ngae,
Nyiq ghaq aq keer manr lei, keer kawq cawq ngae.

Par saq ghaq-ar, lavq gev maq lar law nya,
Kawq saq ghaq-ar, keer gev maq lar law nya.

Nyiq ghaq duq khaq, cuvq dov cuvq dawr mr ngae,
Nyiq ghaq maeq tsir , cuvq dov cuvq myevq mr ngae.

Dawr saq ghaq-ar, nee byur maq lar law nya,
Myevq saq ghaq-ar, nee dav maq lar law nya.

Ovq law peeq siv, khawq daq ghae-awr,
Tavq lawvq ceq sawr, ngaer bee dm gar maq guv law nya.

Bovq-e ghaq - - - Saqlaq Artseir