Zaq yo yaw laeq

Zaq yo yawq laeq ga lei nar, Aq bur ya yanr,
Zaq yo yaw doer ga lei nar, Aq bur ya xaq.

Zaq yo Aq dzawq nar, jir dawr khav ma pyevq lar,
Zaq yo ar gan nar, yar pir dawr zaq pyevq lar.

Jir baq biq yaq nar, pir ser eer ju lovq-aer,
Yav khawq yar pir nar, pir ser yaw savq lovq-aer.

Jir baq biq yaq dawr nar, nar gawr baw lar-a jeir,
Yav khawq yar pir dawr nar, yaw xaq cawv lar-a jeir.

Mir khanq aq dzawq, geer ovq miq dzanr dov lar m jeir,
Ar gan tur lar yar khaq maeq dzaq, dov lar m jeir.

Zaq yo jaq myawvq, mir khanq dav kawr pyevq nya m jeir,
Zaq yo maer xeer, nymr gawq paeq zaq pyevq nya m jeir.

Jaq myawvq maeq nan, yaw doer dov lar m jeir,
Maer xeer maeq nan, yawq laeq dov lar m jeir.

Bovq-e ghaq - - - Saqlaq Artseir