Nar haq yawq

Aq yeevq maeq nan, aq nyir caw,
Aq da maeq nan, zaq deq caw.

Aq ma maeq nan, aq bur caw,
Keq ma maeq nan, zaq miq caw.

Yaw meeq mr gar, yaw meer dzaw,
Yaw doer mr gar, gar jaw jaw.

Aq da aq ma, maeq-e gar,
Aq li aq bur, nar haq lar.

Aq poeq aq piq, maeq-e gar,
Zaq miq zaq yo, yaw kawr lar.

Maeq gar tsov gar, maq lar nar,
Aq dzawq ar gan pyevq-ir-a.

Aq da aq ma, nee gaq kev,
Aq li aq bur, xar noeq kev.

Bovq-e ghaq - - - Saqlaq Artseir