Tsir pav nar

Myav pyawq heeq nyir, tsir pav nar.
Bavq mavq bavq dzan, maq dzan nya.

Ar jeq ar ca, tsir pav nar,
Heeq lar manr lar, maq awq nga.

Heeq zaq nyir zaq, bir pav nar,
Nee ma nee paer, baw lar nga.

Mr ngae xar ngae, maq cae yar,
Dzaq ngae bir ngae, cae lar nya.

Nee ma nee ghovq, baw-e nar,
Heeq-e gar deq, maq mr nya.

Aq yeevq aq tsu, gevq-e nar,
Nee ma nee or, ya anr-a.

Tsawr meeq tsawr jaq, gevq-e nar,
Maq laeq maq tsa, ya yanr-a.

Bovq-e ghaq - - - Saqlaq Artseir