Dawqdaq (A-3)
1. Ar mir maqjawr nar Hocavq dzoeqma gevq.
( Aqyeevq aqtsu yawbym deq maqjawr nar,
aqnyir deq khawvq tsawrkhav yagevq mae.)
2. Aqlmq doer mir jawqghaer,
kanqlanr doer mir tsaevnyawq.
3. Aqda xejir tiqghaq tseir miq laq ngae, Huqmiq laqna maqdur m jeir.
Miqyaq tiqpyaev tseirzanr xar ngae, Huqzanr xartav maqdzaeq m jeir.
( Mrbae xarbae bae taq-e jeiq-aq, poeqdzaeq mae.)
4. Ar mir Hocavq-anr lovq,
Xmrdoeq tsaqpuv-anr lovq.
( Yawqha noeqtmq taq-e jeiq-anr, yawqha mr nya mae.)
5. Aqkeeq maeqlar khardov gar taq yaeq.
Zaqnmr puka aerdawq taqnar.
( Aqcawq kharja gar nar haq gevq-e maq tsaq-a.)
6. Ar mir ngaqxaq aqgan-anr bar.
Zaqnmr jaqlaq yaev-anr bar.
( Yawmeeq yawjaq jeiq-anr, maerjeer jeer-e.)
7. Aqjuq tiqbanq banq.
Arlawr tiqbyoe byoe.
( Yawqha jawrgar yawha ya mr deiq mae.)
8. Aqda lawrjir neecaer tiqghaq.
Lawrjir neecaer baqxe maqdmq.
( Neelur neecaer caer-e deq-aq, aqmyan luvq dawq daegha mawvq mae.)
9. Aryaev yaevmeeq zaqkhaq jeiqjawr,
Aryaev yaevneir zaqkhaq jaqlaq.
( Yawmeeq yawjaq jeiq-anr, zaqguq deq gevq mawvq mae.)
10. Aqghoq loqma yawnyir nga laer taqhaw.
Dawqkhmq pawnae arkanr kanr nya.
( Yawzaq deqkhawvq yawqha yawqjeiq mr nya mae.)
11. Argher ler ma yawzaq nga laer taqhaw.
Dawqmaer pawnae arghaq ghaq nya.
( Yawnyir deqkhawvq yawqha yawqmyawq mr nya mae.)
12. Arka deirdoq kanqlanr maqbaw,
Dawqyawvq nyiqpaw kharlaer nya.
( Yawnyir deq aqcawq nav maqtseir par mrdzaeq nya mae.)
13. Arka heeq-e lokhanq. Khaqpaq heeq-e lansir.
(Yawqjawr gar yawqjeiq heeq nya mae.)
14. Aqghawvq khoeq-e taevq-aer maqnyir.
Nyoqpeer khoeq-e taevq-aer maqheeq.
( Surkhoeq khoeq-e jeiq-aq yawheeq maqaer yawnyir maqaer,
tiqkawv lovq-aer banq mae.)